althahba

 

 

 


 

الذاهبةالله اللي راد والعقدة قظاها اللي عقدها

لا على الدنيا سلام ولا لباقي العمر زينة

الفضا ما كنه إلا خيمة طاحت عمدها

و الفرح ما كنه إلا شيخ أنقصت يدينه

و العمر قطعة زجاج انكسرت ولا طال أمدها

و العرب في العيد بدموع اليتامى مستهينة

و الشوارع لفها ثوب الظلام اللي هجدنا

و البيوت أطلال من عقب المحبة والسكينة

والشتا والليل والبرد وسما يصرخ رعدها

والعيون اللي ورا الشباك مذعورة حزينة

طولوا في الكهف الأصحاب وبقت روحي وحدها

كأنها في كوكب ثاني خلا من ساكنينه

الوداع اللي بعلم العين أعبر من رمدها

------------------------------------

والوداع اللي بلا رجعة علي أمر أدهى

والله انه غر غرت سم وسكاكين سنينه

والعنود اللي جفيت الناس والدنيا بعدها

مدت الفرقة لغاليها وهي تعطي الثمينة

وينها كيف اتركتني ليه ما جات في وعدها

والقمر لا طل خابرها تجي بيني وبينه

رحت انادي واتلمس في مهب الريح يدها

كأني حصان بلا صاحب طوى البيدا حنينه

رحت اصيح الصبح وينه والعرب ما رد احدها

ما سمعت الا صدى صوتي يقول الصبح وينه

كأنهم من يوم ذيك الشمس غابت عن بلدها

طلعوني في النفود وصكوا ابواب المدينة

كأنهم من يوم ذيك الذاهبة ما احد وجدها

كل رجّال من الشرهة قلع في الدرب عينه

اثرها ماتت وماتت كل فرحة في مهدها

والربيع اضحت بها اللي كانت التاج لجبينه

جاورت عقب الحدايق حفرة ما اقسى لحدها

حفرة ما ني مصدق كيف ضمت يا سنينه

 للحزن فيني مثل ما للطهارة في جسدها

ويش اسوي لا فتشت اللي لها وسط الخزينة

زخرفت حلم وبنت له مسكن وسمت ولدها

اه لو غرد ولدها في خميلة والدينه

عاهدتني وأضفرت بيمين اقوى من عهدها

والصبي لا خير فيه ان كان ما نفذ بمينه

ما اتتقى عن رثاها عرق اكتظ بشهدها

ولا تبقى خلف قضبان الجفن عذراء سجينه

كيف عند العالم ايام العزا محصاه عددها

ولا انا طالت شهوره والله اعلم كم سنينه

لا الثرى فيها نبات ولا المشي خفف نكدها

لا السما فيها طيور ولا البحر يمه سفينه

لا القمرهذا مساه ولا العصي هذا رغدها

 ولا الزهر هذا شذاه ولا الذهب هذا رنينه

قالوا الشيخ الفلاني مرجع القوم وسندها

قال يبشر بالعوض والعلم جينا ناقلينه

قالوا الشيخ الفلاني مرجع القوم وسندها

قال يبشر بالعوض والعلم جينا ناقلينه

ساق لك بدر البدور اللي نشدها من نشدها

قادر هزت عروش خيبت روس ذهينه

قسمها في رسمها في جسمها الا في رشدها

واسمها إن جاء للغضب قوله على الالسن رطينه

اترك الناي و عطية شيخنا غنا لسعدها

وانبسط يا عم وانسى اللي ورا التربه دفينه

قلت ولصدري تناهيد تروع من شهدها

اه وا ويلاه من يجلب على قلبي ظنينه

خلوا اغلى ذاهبة ترعى ربيع اللي فقدها

والعطا راعيه ما احد صوبه الله لايهينه

لو ضمنت الجنة تفاحة القلب و شهدها

قلت من بكره عسى مجنونها تاقف سنينه

الله اللي راد والعقدة قظاها اللي عقدها

لا على الدنيا سلام ولا لباقي العمر زينة

 

 

Home